PSK PSK Bulten KOMKAR Roja Nû Weşan / Yayın Link Arşiv
Dengê Kurdistan
PSK
PSK Bulten
KOMKAR
Roja Nû
Weşan/Yayın
Arşiv
Link
Webmaster
psk@kurdistan.nu
 

Mafê Çaranus Mafê Me Yê Reva Ye

Mafê diyar kirina carenus, ku di gelek belge û peymanên Koma Mîlletan û nevnetewiyên dinê da ci girtiye, mafekî serekî ye.

Dewleta Tirk di destpêka damezrandinê da, mafê hanê ya Kurd dagir kir.

Berhema siyaseta dewleta dagirkera Tirk a înkar û asîmîle kirinê eşkere ye û tê zanin. Sedema şer û xwînrijandinê, girtin û kuştinê, nefî kirina Kurdan û vîran kirina gund û bajarokên Kurdistanê, dagirkirina mafên hanê ye ji aliyê dewleta Tirk ve. 

Zirara dagir kirina mafê hanê ne tenê li Kurdan bûn, dagir kirina hanê her usa bûye astengek li pêşiya pêşveçûna demokrasî, bûye sedema hindê, ku nan û parûyên karker û zahmetkeşan sal bi sal piçuktir bin.

Ligel vê yêkê, hêzên nijadperest û mîlîtarîst û statuparêzan, ku sud ji vê siyaseta dawlata dagirker verdigrin, dijî her gavên ku ji bona demokrasî û çareser kirina pirsa Kurd têne avêtinê, derdikevîn, dibine astengek li peşiya proseya demokrasî û pêşveçûyinê.

Hêzên hanê di van rojên dawiyê da erîşeka tund kirin, li ser kombunek, ku ji aliyê Kongreya Civata Demokratîk ji bona “otonomiya demokratîk” li Diyarbekîrê hatiye çêkirinê.

Êrîşa hanê ya hêzên nijadperest û mîlîtaristan her usa êrîşek e li ser mafê carenusa kurdan. Ji ber ku di kombûna hanê da gengeşî li ser aşitî û çareser kirina pirsa Kurd dihate kirinê.

Partiya Sosyalist a Kurdistan-PSK, ku ji bona çareser kirina pirsa Kurd, xwazyarê damezrandina federasyonê li ser bingeha wekheviyê ye, êrîşên hanê ya hêzên kevneperest û mîlîtarîst mahkum dike.

PSK dijî vê êrîşê piştgiriya Kongreya Civata Demokratîk dike û ji hêzên aşitîxwaz, demokrat û welatparêz daxwaz dike dijî êrîşa hanê dengê xwe bilind bikin.

Halwest û axaftina berpirsên Partiya Dadî û Pêşveçûnê (AKP) derbareyê kombûna hanê ne tenê di xizmeta proseya demokrasî û guhartinê da nîne, her usa dibite alîkariyek bona xurt bûna hêzên nijadperest, mîlîtarîst û statukoparêzan.

PSK, halwesta hanê ya AKP û hikumeta wê mehkum dike û jê dixwaze ku dev jê halwesta hanê berdin, pêş hilbijartina giştiyê, bona demokrasî û çareser kirina pirsa Kurd gavan bavêjin.

Bûyer û peşhatiyên, ku heya îro qewimine, nişan didin ku Kurd li ser mafê çarenus pêgir e. Kurd şiveyê wê çawa dibe bila be, bi şikle demazrandina dewleta serbixwe, an federasyon an jî otonomî be, dixwazin qederê xwe bi xwe destnişan bikin. 

Berhema dagir kirina mafê hanê diyar e, tê zaninê.

Eger dixwazin bûyer û pêşhatiyan dubare nebin, divê karbidestên dewleta Tirk bala xwe bidine bîr û bawerî û pêşniyarên Kurdan û bona çareser kirina pirsa kurd bi rêka dan û standin û demokrasiyê gavan bavêjin. 

21.12. 2010

Partiya Sosyalîst a Kurdistan-PSK

 
PSK Bulten © 2010