PSK PSK Bulten KOMKAR Roja Nû Weşan / Yayın Link Arşiv
Dengê Kurdistan
PSK
PSK Bulten
KOMKAR
Roja Nû
Weşan/Yayın
Arşiv
Link
Webmaster
psk@kurdistan.nu
 

Zêde Kirina Tund û Tîjî Ne Çareserî Ye

Di heyemek da, ku li Meclîsa Tirkiyê, kar ji bona amede kirina destureka nu bi fermî destpêkirî bû û ertaşa Tirk ji bona êrîş kirin li ser Herêma Kurdistanê xwe amade dikir, PKK li herêma Colemergê êriş kire ser bingehên leşkerî.

Bê guman êrîşa hanê ya PKK ne tenê xizmeta proseya bi hêztir kirina demokrasî û amade kirina destureka nu û hevdem nake, her usa li ber hewla çareser kirina aşitixwazî û diyolagê dibine asteng û dibine bahane ji bona dewleta dagirker, daku êrîş bikine ser Kurdistana Başur.

Bi gor bîr û baweriya me êdî tu deskevt nemaye, ku bibe berhema xebata çekdarî, beravejiya vê, xebata çekdarî dibite astengek ji astengên, ku li pêşiya aşitî û danûstandinê hene. Ji bona vê yêkê em carekî dinê banga PKK dikin û jê dixwazin, ku guhê xwe bide daxwaza aşitixwaz û demokrat û pêşverû û ateşbes rabigîhine.

Ketina axa Kurdistana Başurê, bi bahaneya “bi du ketina terorîst” binpê kirina serweriya Herêma Kurdistan e. Sedemên kêşeyê Kurd û çareseriya wê jî li Tirkiyê ye.  Êrîş kirin û operasyonên leşkerî li Kurdistana Başurê, ku heya niha hatine encam danê, ne tenê kêşeyê Kurd çareser ne kiriye, her usa bûyê sedema aloztir bûna wê.

Em banga hikumeta AK Partiyê dikin, ku vê rastiyê bibîne, dawî li operasyonên nizamî li Kurdistana Bakur û Başurê û amade kariyê êrîşa mezin û berfireh bîne.

Siyaseta dewleta Tirk ya 85 saliyê nîşan da, ku kêşeyê Kurd bi rêka şer û tund û tujî nayê çareser kirinê. her usa banga tolvekirinê jî dibite sedema pirtir bûna tund û tîjiyê. Rêka çareseriyê aşîtî û diyalog e, ku heya niha nehatiye ceribandinê.

Partiya ma banga hikumeta AK Partî dike, ku ji bona aram kirina rewşê û rêxweş kirina diyalog û careseriya aşitîxwaziyê gavan bavêje, ji bona bi dawî anina operasyonên KCK Qanuna Dij Terorê bigore.

Em banga aşitîxwaz, hêzên demokrat, welatparêz û pêşverû dikin, ku li ser xwesteka aşitî û diyalogê pêgir bin û ji bona vê armancê zext li ser dewleta Tirk û PKK bikin.

Partiya me her usa banga PKK dike û jê dixwaze, ku bi kar û çalakî û gotinên xwe ve bahane nede destê dewletên dagirker, ku pê wan bahane êrîş bikine ser Kurdistana Başurê.

Divê ji bîr nekin, zêdetir kirina tund û tîjî kêşeyê Kurd çareser nake, beravêjîya vê bi dawî anina tund û tîjî rê li ber aşîtî û diyalogê vedike.

19 Cotmeh 2011

PSK-Partiya Sosyalîst a Kurdistan

 
PSK Bulten © 2011