psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 
Barê  Giran

Yusuf Budak

Partîya Maf û Azadîyan (HAK-PAR ) di daxuyanîya xwe de dibêje ku di 81 bajaran de wê bikeve helbijartinê. Ketina helbijartinan mafê Partîya Maf û Azadîyan e. HAK-PAR partîkî legal  e. Di Nav kurdan de bi bernameya xwe ya federasyonê va nav û deng e.

Bi raya min,piranîya kurdên Bakur nizanin ku xwestina bernama federasyonê çîye. Bo vê yêkê hewce ye ku HAK-PAR bi navê helbijartinê bal bikişîne ser bernameya xwe yê federasyonê û navbera gelê Kurd de bike binge. Bernama federasyonê bo gelê Kurd zahf girîng e.

Ji ber ku ez bawer dikim ku Kurdistana serbixwe (Kurdistana mezin ) jî bi vê rêyê de azad dibe. Ango çar parçeyên Kuristanê yêkem dibin federal; dawîyê da çar parçeyên federal tên ba hevdû dibin Kurdistama azad.

Dibe ku ji van çar parçeyên Kurdistana federal yêk parçe quretîyê bike û wiha bêje: “Parçeyê me zûva bûye federal û aborîya me pêşda çûye. Em naxawezin ku bi parçeyên dinêva yêk bibin û herdêra kaş bibin.“

Dema ku HAK-PAR di helbijartinan de ji bal kişandina federasyonê dûr bisekinî şaşîkî mezin dike. Em Kurd wiha dibêjin:“Ker palas ji hevdû xilas.“ Gelê Kurd ji HAK-PARê bîr û bawerîya xwe winda dike.

Gor dîtina min HAK-PARê barê giran hildaye ser milê xwe. Ji ber ku sîyaset bi hêz(quwet) dibe. Dema ku ez hêz dibêjim sê tiştên giring tên bîra min. Bi zanayî xebitandin, pere û bi mirovan va girêdayî (nas û dost).

Pere: Partîya Maf û Azadîyan pereyên xwe yên zêde tunin. Mirovên ku bo pere komkirinê bixebitin ew jî tunin. Lê belê sîyaset bi peran va jî girêdayî ye. Dema ku HAK-PAR vê proplamê ra çareserîyekê bibîne, bi lez û bez xwe kom dike.

Nas û dost: Endamên Partîya Maf û Azadîyan kêm in. Bi teybetî van karana bi mirovan va dibin. Lê belê mirovên HAK-PARê dema bihûrî de va xebata  ceribandine. Ev baş dizanin ku kar çawa dimeşe. Partîyên ku endamên xwe zêde ne, alîyê peran de astengên xwe tunin û di helbijartinê da jî dengên wan zêde ne.

Bi zaneyî xebitandin: Di dest HAK-PARê de va hêza bi rûmet heye. Mirovên wan kamil in û bi zaneyî dixebitin. Têkoşîna gelê Kurd gav bi gav dimûyînin û dixemîlînin. Di têkoşînê de bîrûbawarî û berpirsîyarî girtin zehf girîng in.Gerê mirov yêkem bîrûbawarîyê bi xwe bîne. Bizane ku qet tiştekî bo kesekî din nake û hemû cangorîtîyan bo rast dîtina xwe dike. Ez dibêjim mirov qasî bîrûbawarîya xwe dixebite. Ji mirovekî zêde xebat xastin jî şaşî ye.

Ciwanên HAK-PARê: Li Kudistana Bakur asteng geleki zêde ne. Ya herî girîng bi xwe bawarî û xwe parastin e. Bernameya federasyonê bo ciwanên HAK-PARê ronahî ye. Bi teybetî ew xebata jî bi zanayî va girêdayî ye. Ciwanên wan jî vê xebatê baş dizanin.

Ez bawar dikim ku vê carê dengên Partîya Maf û Azadîyan zêde dibin û mirovên HAK-PARê bi vê helbijartinê dilşa dibin. 

 
   
Dengê Kurdistan © 2011