psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 

Komcivîna HAK-PAR’ê

Mamoste Omerî

- Roj baş Hilato!

- Roooj baş, ehlen we sehlen, li ser seran li ser çavan, wey tu bi xêr hatî oxlim Dihato.

- Hilato, layê bavê min, ev xêr e tu waha bi kêf e, ji kêfan re şûr simbêlên te nabirin?

- Kuro kêf kêfa min e, bi telaqên jin berdanê, ji kêfan re hindik maye ez bifirim.

- Hilato layê bavê min, xwedê meriv bisitirîne, ev hineka ji te re nivişt cêkirine an li te hatîye xwendin?

- Çima dihato, ma ecêb e ku meriv kêfxweş be, ibnî?

- Na layê bavê min, ne ecêb e, ecêp ew ecêb e ku ev cara ewil e tu bi dîtina min kêfxweş dibe!

- Kuro ez ne bidîtina te, ez bi komcivîna HAK-PAR’ê kêfxweş im.

- Komcivîna çi, layê bavê min?

- Kuro Dihato, ev xuya ye qey tu bi tiştekî ne hisyaye.

- Na, ez bi serê te gulover kim, hayê min ji tiştekî tune ye.

- Oxlim dihato, hey malxerab, kuro heta bi hacuc û macuca hisyane, ma tu çawa nehisyaye? Ma qey tu di guhê de , hey ibnî?

- Erê layê bavê min, ka bêje çi çêbûye, te ez teqandim.

- Kuro Partiya HAK-PAR’ê berya çendakî li Enqerê komcivîna xwe li darxist

- Êêeeee?

- Ê û qizilqûrt, bihêl ez temam bikim. Di civînê de tiştên nebûyî qewimîn. Komcivîn bi merşa netewî EY REQÎB vekirin û bi şiarê BIJÎ AZADÎ û BIJÎ KURDISTAN xemilandin û gotin em mafê xwe dixwazin kêmayî fedresyon  bi telaq çimek , ji federesyonê kêm be em qebûl nakin. Ev şîarên ku sih sal e hevala em bi hisreta wan hiştibûn. Piştî sîh salî ku ev hisret ji dilê min derket, de îcar ezê çawa kêfxweş nebim.

- Hilato, layê bavê min, bi teleqa ger waha be, heqê te ji vir û heta ba xwedê heye. Ma ji xweştir? layê bavê min, ez her roj dikevim malperên kurdan qet min nuçeyeke, an şiroveyeke li ser komcivînê de ne dît. Gelo min ne dît, an wan ne nivîsandibûn?

- Dihato oxlim rojnemevan û nivîskarên me li ser tiştên waha biçûk nasekinin, dema komcivîna HAK-PAR’ê çêbû di heman demê de hilbijartina senatoya Emerîka hebû; ji bo şopandina piranî rojnamevan û nivîskarên me çûbûn Emerîka!

- Ev tu bi rastî dibêje, layê bavê min, an tu qerfên xwe dikî?

- Na dihato na. Gelek Malperên kurda li ser kûr û dirêj nivîsandin xuya ye, tu ketîye malperê kurdên baximsiz!!

- Hilato, îcar baximsiz çi ye, layê bavê min?

- Baximsiz, ango serbixwe... Ez çawa ji te re bêjim, ,,weke ne ez bim, min tijê ye.... Kesê weke xaltîka min Eyşê ne, zikreş in, ne kar ji wan û ne karê kesî diecibînin. Kuro hema bi kurtayî; ”baximsizweke lastika derpî ye, vedizile û hew.

- Hilato, layê bavê min, te got HAK-PAR ev kar kirîye, gelo ev HAK-PAR ne?

- HAK-PAR......, HAK-PAR partîyeke kurda ye, ji dargrûpçîya pêk !!

- Dargrûpçî?

- Erê, dargrûpçî, oxlim

- Kuro Hilato, layê bavê min, bi qesem, ger dargrûpçî li Enqerê Ey raqîp dixwînin û dibên bijî Kurdistan, ji îro pêve ez dargrûpçî me û dibêm bijî kurdistan û bijî dargrûpçîtî!

 
   
Dengê Kurdistan © 2010