psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 
   
 

Li Amedê “konferansa Kurdistanê” hat lidarxistin

Mihemed Eren/Amed

Li Amedê  cara yekemîn e konferanseke bi navê “Konferansa Kurdistanê ya li Tirkiyeyê”  hat li darxistin. Konferans dê du roj dom bike.

Armanc ji vê konferansê ew e ku rê û olaxên li pêşiya çareserkirina pirsa kurdî ya li Bakurê kurdistanê bê vekirin.

Konferansa ku li Salona Otêla Clasê hat li darxistin, li gel 183 siyasetmedar, rewşenbîr, akademsyen, nûnerên dezgehên sivîl, rojnamevan û nivîskarên kurd, herweha nûnerên kêmnetewên olî û civakî yên bakurên kurdistanê yên wek Ermen, Suryanî, Asûrî, keldanî û ereb jî beşdar bûn.  

Konferansa ku li ser navê komiteya Amadekar ji aliyê Nijad Yarûk ve hat destpêkirin,  balkişand ser girîngiya konferanseke weha ku roleke çawa di çareserkirina pirsa kurdî de bi çîh bîne.

Hevcigirê DTKê û parlementerê Mêrdînê Ehmed Tirk jî di axaftina xwe de bahsa rewşa heyî ya kurdan kir û da zanîn ku kurd, li gor berê li qonaxeke hêj baştir in û divê vê rewşa xwe ya heyî ber bi statoyeke siyasî veguhêzin  

 Serokê KADEPê û parlementerê Amedê Şerafedîn Elçî jî balkişand ser çareserkirina pirsa kurdî û yekitiya kurdan ku çawa bandorekî erênî di navbera hêzên kurdan de afirandiye. 

 Serokê Giştî yê Partiya Maf û Azadyan -HAK-PARê Bayram Bozyel jî di axaftina xwe de girîngiya di navbera hêzên kurd û kurdistanî de ber bi çav kir û dazanîn divê kurd, ji bo çareserkirina pirsa kurdî serî li rê û rêbazên şer û tundiyê nedin, ji bo vê yekê jî divê Dewleta Tirk, operasyonên leşkerî rawestîne û PKK jî dev ji şerê çekdarî  bedre û tekoşîna siyasî bide… 

Konferans, dê piştî çendî rûniştin û nirxandinên cihê, dê sibê bighêje encam û xilas bibe.

   
   
Dengê Kurdistan © 2011