psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 

KOMCIWAN-Almanya kongreya xwe pêkanî

Kongreya Komciwan-Almanya di 23.04.2011 an de li bajarê Duderstadtê bi civîna delegasyonên komelên Almanyayê dest pê kir. Di gotina xwe de serokê Komciwanê bi bîr anî, ku roja 23. Avrêlê roja cejna zarokên Tirkiyeyê ye. Wî gotin, ku hikumeta Tirkiyeyê hata niha mafên zarokên kurd qebûl nake. Zêdeyi 2000 zarok bê bingeh û sûc di girtîxaneyan de ne. Divê, vê rojê ji bîr nekin!

Di roja duyêmîn de kongre bi hemû endamên Komciwanê berdewam kir. Di destpêka civînê de deqeyekê ji  bo şehidên Kurdistanê rêz hat girtin. Piştî hilbijartina dîwana   kongreyê, rêveberên Komciwan li ser karên xwe axivîn. Ji aliyê endaman ve firset hebû, ku pirs di derbarê karên rêvebiran de werin kirin. Piştî gotûbêja kongreyê, serokê Komciwan.eu, Kovan Amedî, gotarek pêşkêş kir. Di gotara xwe de qala ciwanan kir, ku hêza wan heye, civakan biguherînin. Ew erkekî gering di civakan dilîzin. Ji aliyê din ve giring e, ku ciwanên kurd xwe tev li jiyana Ewropayê bikin. Lê pêwist e destûr nedin asîmîlasyonê. Her gel ziman, çand û jîna wê heye. Divê ku ziman û çanda xwe ji bîr nekin. Ji ber van sedeman karê Komciwanê gelek giring e. Her wiha rêzdar Amedî got, ku Komciwan û Komkar rêxistinek in. Ji ber vê yekê tekiliya di nav herduyan de pir giring e. Ji ber vê Komkar.eu dixwaze cîhekî di kongreya Komkarê de bide Komciwanê. Rêzdar Kovan Amedî di dawiya axaftina xwe de ji bo berdewamiya karê Komciwanê bextewarî û serkeftin xwest.

Roja dawiyê hilbijartinên kongreyê çêbûn. Di kongreya nû de pêwendî hatin guhartin. Çend ciwanên komîteya rêveberiyê derketin û çend nû ketin nav rêveberiyê. Ji bo ciwanên derketine, ji bo kar û xebatê wan em spasiya wan dikin. 

Di komîteya nû de serokên Komciwanê Berîvan Adiguzel û Evîn Kofli ne. Cîgirên wan Medya Kofli û Rohat Dogan in. Weke din, ji bo çavdêrên darayî  Rûken Dogan û Serdar Altay hatin hilbijartin. Endamên din ên rêveberiyê Narîn Dogan, Sîdar Alabay, Serhat Etdoger, Laser Etdoger û Azad Dişçi ne.

Ji bo karê paşerojê Evîn Koflî dixwaze, ku ew hêzên xwe zêde bidin ser nûnerî û stratejiya Komciwanê.

 
   
Dengê Kurdistan © 2011