psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 
   
  KOMCIWAN-Swêd kongreya xwe pêkanî

Kongreya Komciwan-Swêd di 30.10.2011 an de li bajarê Stockholm, li avahîya Alvik Medborgarhusetê pek hat. Serokê Komciwan-Swêd, Ferhat Sönmez di nav peyvên xwe yê xêrhatinê bi bîr anî, ku kar û xebatên Komciwan Swêd cîyek xwe yê taybet heye bo zarok û ciwanên kurd li der û dora Stockholmê. Di komeleyek kurdî ku di dîaspora kar û xebatên xwe dimeşîne, ne hesanê ku ewqas hejmarek mezin ji zarok û ciwanên kurd kom bibe û her hefte perwerdeya folklor, musîk û ziman bê dayîn. Ji encamên Komciwan yê hêja, Sönmez bextewerîya xwe da nîşandan. Pişti xwêrhatina xwe, Sönmez axaftina kongrê da dest Sukrî Demir ku di kongrê wek serokê diwanê hat hilbijartin.

Evîn Şik wek sekretera dîwanê û Deysem Suleyman û Belma Pişkin wek cavderên kongrê hatin hilbijartin. Piştî hilbijartina dîwana kongrê, rêveberên Komciwan li ser karên xwe axivîn. Ji aliyê endaman ve firset hebû, ku pirs di derbarê karên rêvebiran de werin kirin. Pêşnîyarek, ew bû ku Komciwan di nav xebatên xwe yê sala pêş, bêhtir cî biden kombûnên sîyasî da ku endam kom biben û li ser babetên aktuel li gel hev minakeşe biken. Ew pêşnîyar ji alîyê kongre hat peşirandin.

Di dema hilbijartina rêvebirîya nû, encam ev bû:

Bo Komîta rêvebir: Belma Pişkin, Derya Özturk, Deysem Suleyman, Evîn Sik, Ferhat Sönmez, Jînda Îsî, Kasrî Aldûr, Kawa Avcî, Mardîn Hêja Baban, Narîn Celik, Rodî Gumuş û Shaho Ruhanî hatin hilbijartin.

Helîn Sönmez, Hevrê Yildiz û Seyran Yildiz wek cîgirê komîta rêvebir hatin hilbijartin.

Bo organên komelê yê din, Sukrî Demir wek berpirsê Komîta rawêj û Halûk Özturk û Lokman Demir wek çavdêrên darayî (Revisor) hatin hilbijartin.

Herwisa serokê Komkar.eu, Kovan Amedî, wek mêvan amade bû. Birêz Amedî li ser babetên întegrasîyonê û nasnameya kurdî û herwisa giringîya aleqedarîya û nêzîkbûna civata Swêdî sekinî. Rêzdar Amedî di dewama gotara xwe da dîyarkir k wî di nêzîk de karên Komciwan-Swêd tespît kirîye û pê serbilinde, bo berdewamîya karê Komciwanê bextewarî û serkeftin xwest.

Serokê dîwanê Sukrî Demir bo axaftina rêzdar Amedî û herwisa bo beşdarbûna endaman di kongreyê de, spas kir û da dîyar kir ku ji ana û pêve erkek hêja li ser milê komîta rêvebir ya nû heye.

Komîta rêvebir ya nû dîsa di 5.11.2011 li hev kom bûn da ku karên bilez û aktuel li hev par bikin û herwisa rolên komîtê li hevûdû beş bikin: Ferhat Sönmez, ev derba dudaye wek serokê Komciwan Swêd hat hilbijartin. Wek cîgira serok, dîsa Derya Özturk hat hilbijartin. Evîn şik wek sekreter, Deysem Suleyman wek berpirsê aborî û Narîn Celik wek berpirsê endaman hatin hilbijartin.

Komciwan-Swêd, 8/11-2011, Stockholm

   
   
Dengê Kurdistan © 2011