psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 

 Ji bo bîrûrayê giştî

Em, ciwanên Kurdistan biryara HAK-PARê xelet dibînîn

Di 12ê Hezîranê da li Tirkîyê û Bakûrê Kurdistanê hilbijartin pêk bê. Ev hilbijartin, ji bo Kurdan jî girîng e. Her çiqas di van çend salên dawî da, bi destê AK-Partî ji bo çareserkirina pirsa Kurd gavên erênî hatibin hole jî, ev gavana bê guman têrê nakin. Bi gotinek din, çareserkirina pirsa Kurd bi tevayî di rojevê da cîhê xwe digre. Bi dawîanîna şîdetê, bi zimanê zikmakî perwerdeyî, û hîn pirsên din li ber çavan in. Nêzikê sê hezar zarok, bi awayekî zorê li zîndanan in.

Bê guman, paş hilbijartinê, di rojeva Tirkîyê da pêkanîna zagoneke nû ya bingehîn cîh digre. Wek tê zanîn, zagona Bingehîn ya Tirkîyê, 30 sal berê, bi destê leşkerên faşî, bi zorê hatibû amadekirinê. Tirkîye bi vê zagonê birêva diçe. Divê ev zagona bingehîn bi tevayî ji holê bê rakirin û şûna wî jî zagoneka sîvîl, zagoneka demokratik û berfireh bê amadekirinê.

Da ku gelê Kurd jî ji vê hilbijartinê sûdên xwe verbigre, partîyê Kurdan jî bi her awayî beşdarê hilbijartinê dibin. Ji ber astengên benda %10, BDP (Partîya Aşitî û Demoqrasîyê) bi namzetên serbixwe dikeve hilbijartinê. HAK-PAR (Partîya Maf û Azadîyê) jî, ku ji bo çareserkirina pirsa Kurd, mafê federasyonê daxwaz dike, xwe paşve kişand. HAK-PAR biryar da, ku pişgirîya namzetên welatparêz yên serbixwe bike. Gor bîr û bawerîya me diwîyabû, HAK-PAR bi namzetên xwe, bi gotineke din, bi tenê serê xwe biketa hilbijartinê; da ku bi awayekî zelaltir daxwazên gelê Kurd banîya zimên, her usa dibû sedem ku sîyaseta Kurd bi pir rengî, bi pir dengî bimeşe. Lê mixabin HAK-PAR vê rê hilnebijart. Em, ciwanên Kurdistan biryara HAK-PARê xelet dibînîn û dixwazin bîr û rayê Kurdistanê vê yekê bizanibe.

Em, rêxistina Zarok û Cîwanên Kurdistan- KOMCÎWAN, girîngî didin pirdengîtîyê û ji bo pêşerojê jî hêvî dikin, ev bibe bingehek ji bo sîyaseta Kurd.

Komîta Rêvabir ya

KOMCÎWAN-ALMANYA

31.05.2011

 
   
Dengê Kurdistan © 2011