psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 

Rê û rêsma pîrozkirina salvegera damezrandina Komara Kurdistanê

25ê Rêbendana 2011/18:58

Îro, li Hewlêrê, bi mebesta pîrozkirina 65emîn salvegera damezrandina Komara Kurdistanê, piştî kombûna serok û nunerên partî û hêzên siyasî yên hemû parçeyên Kurdistanê, rê û resmekî berfireh li salona Saad Abdullah hate pêkanîn.

Dengê Azad/Hewlêr

Rê û rêsma pîrozkirina salvegera damezrandina Komara Kurdistanê, bi beşdariya serok û nunerên partî û hêzên siyasî yên hemû parçeyên Kurdistanê, Serokê Parlamentoya Kurdistanê, Nunerên Serokê Herêm û Serokwezîrê Herêma Kurdistanê, balyoz û konsolên welatên biyanî, mevanên derve û navxweyî hate pêkanîn.

Merasîma pîrozkirinê bi xwendina sirûda netewî Ey Reqîp û rêzgirtin bo şehîdên Kurdistanê ve destpêkir. Piştî sirûda netewî, xwendina çend ayêtên ji Qur-an’a pîroz, Serokê Parlamentoya Kurdistanê Kemal Kerkûkî gotarek pêşkêş kir.

Serokê Parlamentoyê di gotara xwe de girîngî û pîroziya damezrandina Komara Kurdistanê anî ziman û damezrandina Komara Kurdistanê bingehê diyarkirina mafê çarenûsî ya gelê Kurd bi nav kir û diyar kir ku paş rûxandina Komara Kurdistanê evro ew rihê neteweyî û armanca pîroz li Başûrê Kurdistanê carekî dî ketiye jiyanê. Kerkûkî di berdewamiya gotara xwe de weha got; “Parastina vê ezmûna Herêma Kurdistanê bi kamilkirina asayîş, berfirehkirina demokrasî û azadiyê û xebata bexteweriya bo jiyana gelê Kurd û pûçkirina pîlan û astengiyên li ber yekrêzî û yekîtiya gelê Kurd ve ye. Li vê derê tiştê ku me behs jê nekirî, tenê rûxandina Komara Kurdistan e. Ji ber ku em pîrozkirina salvegera damezrandinê dikin. Lê belê hewce dibînim ku du xalên girîng destnîşan bikim. Yek, helwest û îradeya Pêşawa Qazî Mihemed e ku ji bo parastina gelê xwe jiyana xwe feda kiriye ya duwem jî rola nemir Mela Mistefa Barzanî ye erkê parastina Komara Kurdistanê bi stuyê xwe ve girtî û bûye Fermandarê Hêza Parastinê Pêşmerge û emanetê Komara Kurdistanê Ala Kurdistanê parastiye.”

Piştî Serokê Parlamentoyê, ji aliyê Nunerê Serokwezîrê Hikumeta Herêma Kurdistanê Asos Necîb ve peyama Serokwezîr Dr. Berhem Ehmed Salih hate pêşkêşkirin. Di peyama serokwezîrê herêma Kurdistanê de hate diyar kirin ku hikumeta Herêma Kurdistanê bi hemû şiyanên xwe ve di xizmeta xebata bidest ve anîna mafê rewa yên gelê Kurd û diyarkirina mafê çarenûsî daye.

Di merasîmê de herweha li ser navê partiyên siyasî yên hemû parçeyên Kurdistanê gotarek hevbeş ji aliyê Endamê Komîteya Navendî a Partiya Şûî (Komunîst) Dîlman Amedî ve hate pêşkêşkirin. Di gotara hevbeş de girîngî û naveroka damezrandina Komara Kurdistanê hat destnîşankirin û balkişandin ser hin xalên girîng; “Evro di bin banê Parlamentoya Herêma Kurdistanê û bi saya azadî û demokrasiyê û di encama xebat û tekoşîn û qûrbanî dana gelê me de, em 65emîn salvegera damezrandina yekemîn Komara Kurdistanê pîroz dikin. Girîngiya serweriya serbixweyiya Kurdistanê di sedsala borî de dikin. Herçende ev serweriyek bi demekî kurt be jî, ji sedema şert û zirûfên navneteweyî û paşvekişiyana li ser doza rewa ya gelan ji aliyê wan dewletên desthilatdar, hate rûxandin. Lê belê bedela ku di vê rêyê de hatiye dayîn ji wan hemûyan giranbûhatir bû. Rast e, dibêjin dîrok wekî xwe dubarê nabît, lê belê evro em dibînin Komara Kurdistan bi şêweyekî dî û bi ceribandinekî nû hikûmranî li Başûrê Kurdistan da ji dayîk bûye.
Ew alaya Kurdistanê ku pêşkêşî Komara Kurdistanê hatiye kirin, piştî pîlanên navnetewî dijî Komarê, ev alaye, ji aliyê Qazî Pêşawa ve pêşkêşî Barzaniyê nemir hate kirin. Evro jî, heman ew alaya pîroz li Xaneqînê heta Zaxo pêşkêşî xelkê Kurdistanê hatiye kirin û hatiye hildan.
Serkeftina gelê me li Herêma Kurdistanê, serkeftina hemû parçeyên Kurdistanê ye. Parastina vê destkeftê jî wek ronahiya çavê me ferz e.
Evro em hemû partiyên siyasî yên her parçeyên Kurdistanê dubare dikin ku mafê diyarkirina çarenûsî, mafekî sirûştî yê gelê me ye, wek mafê her gelekî dî yê cihanê. Yasa û pêymanên navneteweyî ev çende diyar kiriye ku ev çende jî mafê me wek hêz û aliyên siyasî yên tekoşer e, li her parçeyekî Kurdistanê de bi şêwazekî gûncaw û liberçav girtina hal û mercên siyasî û doza rewa ya gelê me, em vî mafî biparêz in.
Girîng e hemahengî û hevkariyekî gûncaw û liberçav girtina taybetmendiyan bingehê pêwendiyên me bin.”

Merasîm, piştî pêşkêşkirina gotaran, çend stran û sirûd ji aliyê hunermendan ve hate gotin û fîlmekî dîkomenterî ya li ser Komara Kurdistanê hate nîşandan û pêşkêşkirina grûba folklorê ya Rojhilatê jî çend leyîstikên folklorê bi dawî hat.

 
   
Dengê Kurdistan © 2011