psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 

HAK-PAR; “Em daxwaz û xebatên xwe bi biryar û bê westan bidomînin”

Navenda Nûçeyan

Şaxa Îstanbolê ya Partiya Maf û Azadiyan-HAK-PARê bi mebesta astengkirina çalakiya wan ya “Ji Holê Rakirina Astengiyên Li Ber Perwerdeya Zimanê Dayîkê” ji aliyê hêzên ewlekariya Îstanbolê daxuyaniyek bo raya giştî û çapemeniyê da û diyar kirin ku ew ê daxwaz û xebatên xwe bi biryar û bê westan bidomînin.

Daxuyaniya şaxa Îstanbolê ya HAK-PARê bi vî awayî ye;

JI RAYA GIŞTÎ RE

Partiya me HAK-PAR, BDP û KADEP bi tevî rêxistinên civakî yên demokratîk, ji bo, Ji Holê Rakirina Astengiyên Li Ber Perwerdeya Zimanê Dayîkê, bi sê nivîsarên cihê yên ku bi zimanê me yê dayîkê, bi kurdî (tekstan) hatine nivîsîn, ku wê ji Parlamentoya Turkiyê, Yekitiya Ewrûpa, Milletên Yekbûyî û UNESCOyê re bên şandin ve çalakiya komkirina îmzeyan da dest pê kirin.

Şaxê Stenbolê ya Partiya Maf û Azadiyan, li ser biryara navenda partiyê di 18ê Sibata 2011an de, li meydana Bakirkoyê çalakiya komkirina îmzeyan da dest pê kirin.

Serkariya Ewlekariyê ya navçeya Bakirkoyê li ber standa çalakiyê bû asteng û Seroka Şaxê Stenbolê û endamê meclîsa partiyê demek kin girtin bin çav. Bi berdewamî, bi binasiya dijderketina qanûnan standa me berhevkirin. Lê ji seroka şaxê re gotin ku, heke serî li walîtiyê bidin û bi pêkanîna ewlakariya standê ve car din dikarin çalakiya xwe bidomînîn. Li ser vê Seroka Şaxê Stenbolê serî li walîtiyê da.

Ev çalakiya me ya komkirina îmzeyan, ji aliyê walîtiya Stenbolê ve wek sûc hat nirxandin. Walîtî bi nivîsa jimar 11/5248 ve, bi kurdîbûna çalakiya komkirina îmzayan wek sedem nîşan dide û xala 81/C ya zagona partiyan ku dibêje, partiyên siyasî ji bilî zimanê tirkî, zimanekî din nikarin bi kar bînin, ji xwe re dike bingeh. Walîtiyê bi vê zagona antîdemoqratîk ve hewl daye ku li ber çalakiya me bibe asteng.

Wek ku hûn jî baş dizanin, bi riya weşanên kurdî yên televîzyonên wek TRT6 û Dunya TVyê ku weşanên xwe li ser esasên zagona RTUKê dikin, astengiyên li ber weşana bi kurdî ji holê rabûne. Li gorî me bi karanîna zimanê dayîkê, divê axaftin, xwendin û nivîsîn di heman astê de werin nirxandin.  Bi tevî vê, em dixwazin ku astengiyên zagonî û psîkolojîk yên li hember hînkerî û perwerdeya Kurdî bên rakirin û zagon di vî warî de ji nû ve bên danîn.

Birêz Serokwezîr di gera xwe ya li Almanyayê de, ji rêvebirên Alman û Tirkan re, di axaftina xwe de wisa gotibû: ‘Nasnameya xwe û zimanê xwe ji bîr nekin. Asîmile nebin. Asîmîlasyon sûcekî mirovatiyê ye. Li hemberî polîtîqayên asîmîlasyonê li ber xwe bidin...’ Serokwezîr tiştê ku ji bo Tirkên li Almanyayê wek maf dibîne, ji bo Kurdên li ser erdnîgariya xwe wek maf nanirxîne. Ev helwestên ji bo demdirêjkirina statukoyê û domandina polîtîqayên asîmîlasyon û înkarê yên ku ev 80 sal in didomin, di testa baweriyê de bi serneketin.  

Em wek HAK-PARê bi raya giştî û çapemeniyê didin zanîn ku, ji bo ji holê rakirina astengiyên li ber perwerdeya zimanê dayîkê, em ê daxwaz û xebatên xwe bi biryar û bê westan bidomînin. 24 Sibat 2011

Gonul Dabakoglu


Seroka Şaxê Stenbolê ya


Partiya Maf û Azadiyan
 
   
Dengê Kurdistan © 2011