psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 
Komeleya ÇIRA şehîdên Kurdistanê bibîr anî

Bi mebesta bîranîna şehîdên Kurdistanê Komeleya ÇIRA Diyarbekirê çû ser gorên şehîdan û bi merasîman wan bibîr anî.

Dengê Azad/Amed
Komeleya ÇIRA Diyarbekirê ji bo şehîdên Kurdistanê piştî ku li avahiya xwe merasîmek li dar xist di 2yê Nîsanê de çû serdana gorên şehîdên ku gorên wan li Diyarbekirê ne.

Endamên Komeleya ÇIRAyê pêşî çûn gundê Keibiyê, ser gora Abdûlselam Aydinî. Li wê derê ji bo bîranîna wî deqîqeyek li ber bîranîn û tekoşîna wî rêzgirtin. Piştî rêzgirtinê li ser xebat, tekoşîn û jiyana wî agahî dan û bi kulîlk û gulan derdorên gora wî hat xemilandin. Piştî serdana gora Abdulselam Aydinî, endam, birêvebir û alîgirên komeleyê çûn goristana Deriyê Mêrdînê. Li wir gorên Mele Evdirehman Uçaman, Hecî Seîd Sitki, Wedat Aydîn û ew kesên di sala 1991ê de di bûyerên Wedat Aydîn de hatin qetilkirin ziyaret kirin. Piştî deqîqeyek rêzgirtin derbarê jiyan, tekoşîn û şehadeta wan de agahî hat dayîn.

Qefleya Komeleya ÇIRAyê, ji wir derbasê Goristana Şehîtlîkê bûn û li wê derê jî serdana gora tekoşer û kedkarên Riya Azadî Mahmût Yigîtel (Mamo) û Mehmet Yalçîn hat kirin û herdû xebatkarên Riya Azadî hatin bibîranîn. Ji aliyên birevebîr û endamên Komeleya ÇIRAyê ve li ser gora herdû şoreşgerên kurd darên gulan hatin çandin û gorên wan bi qerenfîlan hatin xemilandin. Li ser gora Mamo, Arif Sevînç axaftinek kir. Sevinç di axaftina xwe de weha got; “Di tekoşîna azadiya gelê kurd de bi hezaran ji bo rizgariya gelê kurd têkoşiya. Yek ji wan jî Mamo bû. Mamo bi ked û tekoşîna xwe ji me hemûyan re bûye mînakek hêja. Wî alaya tekoşînê ji destê xwe tucar nexist. Alaya xwe niha teslîmê xortan kiriye û bi hezaran Mamo îro di rîya azadiyê de dimeşin.

Piştî serdana şehîdên ku gorên wan li Goristana Şehîtlikê ne qefleya ÇIRAyê çû Goristana Yenîkoyê û li wir çû serdana gorên tekoşerên Riya Azadî û şehîdên Kurdistanê Edîp Samancî û Remzî Îl. Li vê derê jî birevebîr û endamên Komeleya ÇIRAyê li ber yadên Edîp Samancî û Remzî Îl rêzgirtin. Li ser gora tekoşer û xebatkarên Riya Azadî Edîp Samancî û Remzî Îl gul çandin û gorên   wan bi qerenfîlan hatin xemilandin.

 
   
Dengê Kurdistan © 2011