psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 

Barzanî : “Leyla Qasim sembola azadiya rêya Kurdistanê ye”

Serokê Herêma Kurdistanê Mesûd Barzanî bi boneya 37’emîn Salvegera bidarvekirina Leyla Qasim mesajek ragihand.

Dengê Azad/Hewlêr

Barzanî di mesaja xwe de ragihand ku di rojeke wekî îro da û di sala 1974an da keça kurd a wêrek û çavnetirs Şehîd Leyla Qasim hate bidarvekirin û bi şehîdbûna şehadeta nemiriyê bi xwe bexşî û sembola azadiya rêya Kurdistanê.

Barzanî bi bîr xist ku Şehîd Leyla Qasim yekem jina Kurd e ku li Iraqê li ser siyasetê hate bidarvekirin  û di dema îdama xwe de bi dengekî bilind hawar kir ku bi kuştina bi hezaran Kurd ji xew şiyar dibin.

Serokê herêmê da zanîn ku pêwîst e ders ji reftarên Leyla Qasim wergirtin ku berî bidarvekirinê gelek tade û zorî hatibû kirin daku daxwaza lêborînê bike, ew daxwaz red kir û ji celatdên xwe re got, ewê tenê li gelê kurd daxwaza lêborînê bikim çimkî amrê têra çendê nekir zêdetir xizmeta gelê xwe bike.

Serok Barzanî di berdewamiya mesaja xwe de got, “ Hezaran silav ji bo ruhê paqijê Şehîd Leyla Qasim û hevalên Hesen Heme Reşîd, Nerîman Fuad, Azad Silêman Mîran û Cewad Hemewendî ku di rojê da her hemû bûn stêreke geş û biriqdar li asmanê Kurdistanê ku îro Parlemento û Hikûmeta Herêm di jêr û ronahiya wan da ye.”

Serokê herêmê da xuyakirin ku Kurd wekî neteweyeke zîndî û bixwebawer  ji bo destxistina mafên xwe yên rewa amade ye giyanê xwe bext bike û bi merdayetî û azayetiya xwe rûpelên dîrokê bi tîpa zêrîna xebata xwe binexşîne û dasteneke tije serwerî û qahremanî tomar bike.

Hêjayê gotinê ye Leyla Qasim û çar hevalên Hesen Heme Reşîd, Nerîman Fuad, Azad Silêman Mîran û Cewad Hemewendî Roja 28ê Nîsana sala 1974ê (28.04.1974) ji ber karê kurdayetî û niştîmanperweriyê ji aliyê Rejîma Iraqê ve hatin girtin û li roja 12ê Gulana 1974an serê sibê hatin îdamkirin.

 
   
Dengê Kurdistan © 2011