psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 

26ê Sermawezê Roja Pêşmergeyên Kurdistan hat pîrozkirin

26ê Sermawezê Roja Pêşmergeyên Kurdistan îro li Koya bingehê Partiya Demokrat a Kurdistana Îranê-PDKÎ bi merasîmekê hat pîrozkirin.

Dengê Azad/Koya

26ê Sermawezê Roja Pêşmergeyên Kurdistan îro li Koya bingehê Partiya Demokrat a Kurdistana Îranê-PDKê, bi beşdariyê Sekreterê Giştî yê PDKÎ Mistefa Hîcrî û endamên Deftera Siyasî a PDKÎ û endam û alîgirên heman hîzbê ve hat pîrozkirin.

Merasîma pîrozbahiyê bi xwendina sirûda netewî Ey Reqîb û rêzgirtin bo yadî şehîdên Kurdistanê ve destpêkir.

Di merasîmê de bi navê Deftera Siyasî a PDKÎ Kawa Behramî axaftinek kir. Behramî axaftina xwe de balkişand ser rola tekoşîna pêşmerge û anî ziman ku pêşmerge ji bo dabînkirina mafên mirovan û azadiyê li dijî dîktatoriyê û rejîma kevneperest xebat dike.

Behramî di berdewamiya axaftina xwe de weha got; “Ev roj bi biryara Komîteya Navendî a Partiya Demokrat a Kurdistana Îranê ve hat destnîşankirin. Roja Pêşmerge roja ew kesan e ku ji bo welat û miletê xwe şer û xebat kirine. Xebata pêşmerge ew bû ku ne tenê di nav Kurdistanê de li dijî dagirkeran şer dikirin herweha di welatên cihanê de jî ji bo mafên gelê xwe di karûbarê dîplomasiyê dimeşandin. Hêzên Pêşmerge a PDKÎ heta ku li Îran û Kurdistanê rejîmekî demokrat nehê ser xebata xwe berdewam bike.”

Piştre bi navê Yekîtiya Jinên Demokrat, Yekîtiya Ciwanên Demokrat û Yekîtiya Xwendekarên Demokrat ên Kurdistana Îranê peyameke hevbeş ji aliyê Dara Natiq ve hat xwendin.

Piştre Sekreterê Giştî yê PDKÎ Mistefa Hîcrî wekî sembol 5 pêşmerge yên ku pitir ji 20 salan pêşmerge bûn xelat kir.

Merasîma pîrozbahiyê bi xwendina çend sirûd, kilam û şiîran bi dawî hat.

Hejayî gotinê ye Şandeyeke Partiya Sosyalîst a Kurdistan-PSK ku bi serokatiya Sekreterê Giştî yê PSK Mesûd Tek ve beşdarî vê merasîma pîrozbahiyê bûn.

 
   
Dengê Kurdistan © 2010