psk@kurdistan.nu
PSK PSK Bulten Komkar Komjin Roja Nû Weşan / Yayın Arşiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weşan/Yayın
 Arşiv
 Link
Webmaster
 
KOMKAR-DK beşdarî 1. Gulanê bû

Wek her sal îsal jî Komela Karkerên Kurdistan, KOMKAR-DK li bajarê Kopenhagê beşdarî roja kedkar û xebatkarên cihanê a 1. Gulanê bû. 1. Gulanê dîsan li parka bi navê Fælledparken hate lidarxistin.

KOMKAR bi çadirekê û di bin ala Kurdistanê de beşdar bû û çand û kultûra kurdî da nasîn. Li ber çadirê standek ji pirtûk, CD, rozet, alên Kurdî, desmalên kurdî û hwd. hatibû vekirin û xemilandin û li kêlekê jî dimênên ji cur be cur ên ji gelek cihên Kurdistanê. Vê yekê gelek bala milet dikişand û çadir zîyaret dikirin û li ser rewşa Kurd û Kurdistanê agahdarî standin.

Ala Kurdistanê jî di nav bi sedan alên sor de bi şêweyekî azad ber bi bê diket û ji hemi deverên parkê ve dihat xweya kirin.Gelek kurdan û nas û dostan çadir zîyaret kirin û xebatkarên KOMKAR’ê bi tenê nehiştin. Gelek kesan ji wan heta ku çadir hat girtin jî her li ber çadirê man û ji xwe re sohbet dikirin. Hêjayî gotinê ye ku endama parlamento a kurd ji Partîya Sosyalîst a Gel (SF), Özlem Çekiç jî hat çadir zîyaret kir û heta demekê li gel hevalên KOMKAR’ê sohbet kir.

Ji bo vê roja taybet KOMKAR’ê belavokek bi zimanê danîmarqî, ku tê de bi kurtayî bahsa dîroka kurdan û rewşa her çar beşên Kurdistanê dikir, amade kiribû û li wir li ber çadirê hate belav kirin. Herweha belavokên Partîya Sosyalîst a Kurdistanê (PSK) û Konfederesyona Komelên Kurdistanê li Ewropa (KOMKAR.eu) jî li kurd û tirkên ku çadir zîyaret kirin hate belav kirin.

Îsal jî wek her sal saha parkê ji milet tiji û dewlemend bû. Bi sedhezaran kes beşdar bûn. Li ser sahneya mezin jî her muzîk hebû an jî serokpartî û sîyasetmedarên danîmarqî ên çepgir axaftin dikirin.  

Bi kurtayî 1. Gulanê li bajarê Kopenhagê bi xweşî bi dawî bû û beşarbûna komela KOMKARê jî bi serkeftî derbas bû.

Yilmaz Yildiz

Dema Nû/Kopenhag

roniwelat@yahoo.dk

 

 

 
   
Dengê Kurdistan © 2011